الأحد، 30 يناير 2011
سلامتك يا بلدي
الجمعة، 28 يناير 2011
قوم يا مصري
قوم يا مصري إغلب خوفك ..
قوم وخلي الدنيا تشوفك
قول للظلم لا .. للفساد لا .. للفتنة لا ..
أنت إبن النيل هلالك بيصرخ ويا صليبك ..
قوم فكر وأنت هتقدر ومصيرك بيديك
لا طوارئ ولا أمن دولة ولا رعب من البشوات
عيش يا مصري وانت مرفوع الراس ..
عاشت بلدنا لينا .. كرامتنا لينا .. ثروتنا لينا ..
المحامى
شيرين شوقى
28/1/2011
الثلاثاء، 25 يناير 2011
بحبك يا مصر
بحبك يا مصر ...
بحبك وكل ما دا حبك فى قلبي بيكبر
يا علامة فى قلب الزمن راشقة زي الصخر
بلادي ولا فيش زيك فى كل عصر
أمى أنتي وماليش غيرك يا محروسة مرسى وبر
***
بحبك يا مصر ..
لا تعصب ولا ظلم ولا الفساد على مجدك هيعفَر
عظيمة هتفضلي أم الدنيا رغم كل قهر
نيلك بيحكي كل لحظة لكل البشر
قصة كفاح قصة صمود وعزة ونصر
***
بحبك يا مصر ..
أحبك ترنيمة بكنيسة وآذان على الأزهر
أحبك فى المغربية على شط البحر
فنار إسكندرية ودلتا وسد عالى وسينا لينا فخر
ترابك يا غالية دفترومحضر وتبر
***
بحبك يا مصر ..
يا كهرمانة بقلب الجبل وتاريخ معطر
زرعة وبستان وغصن لبان محمية دايماً من كل شر
درعك حصين ورايتك فوق كل فكر
واديكي رغم الإرهاب رغم الدم هيفضل لكل حر
***
بحبك يا مصر ....
عمره ما كان مصري ولا أبداً هيكون ولا يقدر
اللي بيزرع فرقة ويسفك دم مصري بكل غدر
أنا مصري من قبلي ومن بحري من ليلي هأمشي للفجر
رغم العنف رغم الأنف مصر هتفضل هى مصر ..
بحبك يا مصر ....
***
الجمعة، 14 يناير 2011
ثورة عند المساء
الاثنين، 10 يناير 2011
حبيبي أنت وما تدري
حبيبي أنت وما تدري
فينك غايب عنى ما تدق باب يا شمسي وقمري
من يوم مشيت قلبي داب وطال ليلي وسهري
يا نور الحشا وفرح الشباب يا بسمتى ونضري
كفاية دا بعدك عنى عذاب إشتقتلك يا عمري
واكتب لك يا أغلى الأحباب يا دنيتي وقدري
واستنى ما ترد جواب حاير تفوتني وتجري
شكيتك للنجمة والسحاب وكل همسة بتسري
غرضى إشتياق مش عتاب حبيبي أنت وما تدري
شيرين شوقى
10/1/2011
الأربعاء، 5 يناير 2011
على مذبح الشهداء
الاثنين، 3 يناير 2011
دمك غالي ياشهيد
دمك غالي يا شهيد
ـــــــــــــــــــــــــــــــــــــــــ
مش راح نسكت تاني ..
دمك غالي علينا يا شهيد ..
***
شرف فوق صدورنا طوالي
نور سماوي طاهر ومجيد ..
***
ولاد الشهداء صوتهم عالي
وقت الجد رجال عزم حديد ..
***
صليبنا فوق رصاص الإرهابي
فوق كل شر وغدر ووعيد ..
***
نوعد كل شهيد بالغالي
مش راح نركع ونقول ونعيد ..
***
حقى هأخده منك يا أناني
أحرار احنا مش عبيد ..
***
هصلي وجرسي فى حضن قبابي
يرن ويهتف لكل قريب وبعيد ..
***
قبطي مصري جذروي واجدادي
ولا بنخاف من سيف تهديد ..
***
ديني مسيحي كنيستي داري
إنجيلي علمني الحب أكيد ..
***
وعمر الحب ما يخاف ويداري
أسود فى حقوقنا وبقلب عنيد ..
***
عمر الموت ما هيهزمنا يا جاني
كنيسة الشهداء فردوسها نشيد ..
***
إلهنا وعدنا حصنه باقى
مجده وسطنا وعهده جديد ..
***
مش راح نسكت تاني
دمك غالي علينا يا شهيد ..
***
المحامى / شيرين شوقى
3/1/2011