جندي مصري

جندي مصري ...
على أرضكِ يا بلدي
شهيد ..
واحد لفرحه كان مستني
...

والتاني مشتاق على يوم العيد ..
شبابنا الغالي
رملكِ وترابكِ وحدودكِ
بالدم يحمي ..
نسر ووحش بطل جسور
كتبوا على أرواحهم إسمكِ
على طاقة بكره وشعاع النور ....
ورصاص الغدر طل بالموت يجري ...
قتلوكي يا مصر في جنودك ..
قتلوكي الخونة في أولادك ..
على دم ولدي ..
على فجري و علمي ..
على مستقبل مصر متفقين
أتستروا تحت اسم الدين ...
مدوا إيديهم وخانوكي يا بلدي المجرمين ...
بس وحياة شمسكِ
وحياة مجدكِ ...
وحياة نيلكِ ..
وحياة دمعة كل أم شهيد ..
وجرس كل كنيسة وتكبير الجوامع ....
وإن طال الزمن أو قصر حقك راجع ....
ملايين طالعين ..
حقك يا بطل دين على رقاب المصريين ..
ــــــــــــــــــــــــــــــــــ
شيرين شوقي

2/8/2012